Денеска започнува летното сметање на времето

Денеска, на 25 Mарт, започнува летното сметање на времето. Граѓаните во 2.00 часот ќе треба да ги поместат стрелките на своите часовници за еден час понапред. Така времето во 2 часот ќе се смета како 3 часот по полноќ.

Вообичаено, летното сметање на времето стартува во последниот викенд од март со поместување на часовниците од 2 на 3 часот.

Во Македонија и во државите од нејзиното опкружување летно и зимско сметање на времето е воведено од 1983 година.

Преоѓањето од летно во зимско време првпат е применето во 1916 година во земјите од Северна Европа, а досега е воведено во 70 држави во светот. Целта е да се заштеди енергија со тоа што ќе се зголеми периодот на дневна светлина.

Измените ќе се извршат согласно Законот за сметање на времето и Одлуките за денот и моментот на воведувањето и завршувањето на летното сметање на времето во 2012 година.