Македонско вино ќе се пие во реномирани американски ресторани

Четири врвни вина од винарската визба „Тиквеш“ ќе се пијат во престижни американски ресторани. Вината ќе бидат пласирани во сите поголеми американски градови на источниот и западниот брег во САД.








Пласманот ќе се одвива преку познатиот увозник на врни вина во САД, Ерик Соломон, специјализиран за увоз на висококвалитетни вина од Франција и Шпанија. Процесот на потпишување на договорот траел една година, а извозот започнува со 60.000 шишиња. Се работи за вината Бела Вода, Барово, Ркацители и Вранец.

„Ова е потврда за стратегијата за развој на нашата компанија, но истовремено и успех затоа што се работи за извоз на еден од најголемите и најпребирливите пазари“ изјави Игор Илиевски, главен и извршен директор на винарска визба „Тиквеш“.

“За 2012 година е планиран извоз на седум контењери, а вредноста на извозот е 260 илјади американски долари“изјави Катерина Костовска, менаџер за извоз во ВВ Тиквеш.

“60% од производството го извезуваме, поголемиот дел во екс регионалните земји , а во последно време се трудиме да го прошириме извозот и во други земји како Америка, Кина и Русија “ изјави Милан Ивановски, комерцијален директор во ВВ Тиквеш.