Формула 1 од утре на МТВ

Рано наутро по средноевропско време беа извозени првите два слободни тренинга, на првиот најбрз беше Хамилтон, а на вториот Шумахер.


Седмократниот светски првак, Михаел Шумахер, единствен се спушти под минута и 36 секунди, а овој пат разликите беа значително помали, па првите осум возачи завршија во иста секунда со најбрзиот.

Хамилтон заврши втор, Фетел трет, а Вебер четврти.

Во сабота наутро во 5 часот на распоред е третиот слободен тренинг, а потоа почнува вистинската акција- квалификациите се во сабота во 8 часот, а трката во недела во 9 часот.

Вљубениците на Формула 1 од утре ќе имаат можност да го следат квалификациите и трките на националната МТВ 1.  Правата за емитување на Формула 1, МТВ ги откупи за наредниве три сезони.