BMW ќе лансира редизајниран X1, годинава

Станува збор, генерално, за естетски модификации...

По две ипол години од претставувањето на компактниот SUV на BMW, Баварците на своите купувачи ќе им понудат малку освежена и подмладена верзија. Се работи за благи, претежно промени од естетски карактер на најмалиот член во семејството X на BMW.

Како што можете да видите, корекциите се видливи на предниот дел, односно на браникот. Обликот на светлата е ист, само со минимална промена на поставеноста. Нови се ретровизорите, праговите, како и комплетниот заден дел – задниот браник и стоп-светлата.

Во внатрешноста, речиси и да нема измени, со истакнување на високиот квалитет на материјалите користени за изработка на истата.

X1 ќе биде придвижуван од шест-цилиндричен агрегат со 306 КС, како и мотор со четири цилиндри и 245 КС, во зависност од изборот на купувачот.

Помокниот мотор со 306 “коњи” забрзува до 100-ка за 6.1 секунди, со минималнапотрошувачка од 7.9 литри гориво.

Извор:Koli.com.mk