Да им помогнеме на МВР: Го видел ли некој овој автомобил?

Црвен автомобил од марката “опел“ со скопски регистарски таблички е возилото за кое е потврдено дека го користиле убијците на петмината убиени кај скопското село Смиљковци.

“Утврдивме дека се работи за ова возило и сакаме да ја искористиме оваа прилика да упатиме апел до граѓаните доколку некој го видел ова возило во периодот кој му претходеше на убиството да ги сподели информациите со нас, односно да ни даде дополнителна информација“, рече денеска министерката за внатрешни работи Гордана Јанкулоска презентирајќи фотографии од возилот.

Таа објасни дека станува збор за возило кое било донесено од странство во земјава, додека табличките кои се ставени на него му припаѓаат на друг автомобил.

“Возилото досега не било регистрирани во Македонија што значи дека не било во редовен сообраќај. Затоа е дополнително значајно доколку некој го видел ова возило непосредно во деновите што му претходеа на убиството. Можеби овие фотографии некого ќе го потсетат дека возилото се движело во некој дел од градот“, вели Јанкулоска.Извор:Нетпресс