Центар украсен со љубичици

„Цветен Центар“ е проектот кој го започна општина Центар, а вклучува цветно уредување на сите атрактивни локации со љубичици во различни бои.

Следните неколку недели, општината ќе спроведе цветно уредување на различни локации, како што се жардиниери пред станбени блокови, цветни острови во парковите на општината и дворовите на основните училишта и градинки.

Со планот за садење ќе бидат опфатени плоштадот пред општината, паркот на Кружен тек, жардиниерите пред Министерство за одбрана и Министерство за култура, кај Клубот на новинари, како и на потегот од општинскиот паркинг „Трготекстил“ до хотел „Бристол“.

- Во чест на празникот на жената - 8 Март, општина Центар ги уреди жардиниерите на улиците „Македонија“ и „Никола Вапцаров“, соопшти општина Центар.